കാഴ്ച്ചവട്ടം

ഘോര്‍ ഫക്കാന്‍ ബീച്ച്

2011-10-14T20:58:00.002+05:30

ഘോര്‍ ഫക്കാന്‍ ബീച്ച് , ഫുജൈറ , യു എ ഇ

കണ്‍ഫ്യൂഷനിസം [ഫോട്ടോ പോസ്റ്റ്]

2011-04-23T11:03:00.003+05:30

രണ്ടിനു പോകുമ്പോള്‍ “രണ്ടും” കൂടി ചെയ്യരുതെന്നു സാരം :)

കുട്ടനാട്

2009-11-05T21:08:00.000+05:30

പ്യാനിങ്ങ് [ഫോട്ടോ പോസ്റ്റ്]

2008-11-25T23:58:00.001+05:30

ഒരു പാനിങ്ങ് പരീക്ഷണം.

ക്യാമറ : രാമന്റെ
റെസലൂഷന്‍ : ഇനി ക്യാമറ തിരിച്ചു കൊടുക്കില്ലാ‍ാ...
ഐ സ് ഓ സെറ്റിങ്ങ് : ഓ..പീന്നെ ഇനി അതില്ലാത്തേന്റ കേടാ
എക്സ്പോഷര്‍ ടൈം : ഉച്ചക്കു രണ്ടുമണി ആര്‍ന്നൂന്നാ തോന്നണേ.
ഫോക്കല്‍ ലെങ്‌ത്ത് : അളക്കണ കുന്ത്രാണ്ടം കാണാന്‍ല്യാ. സോറീട്ടാ‍..

മൈസൂര്‍ അരമനെ

2008-10-13T00:10:00.005+05:30

97,000 ബള്‍ബുകളുടെ ഉജ്ജ്വല ശോഭയില്‍ മൈസൂര്‍ പാ‍ലസ്

1399 മുതല്‍ 1947 വരെ മൈസൂര്‍ ഭരിച്ചിരുന്ന വോഡയാര്‍ രാജവംശമാണ് മൈസൂര്‍ കൊട്ടാരം പണികഴിപ്പിച്ചത്. പതിനാലാം നൂറ്റാണ്ടില്‍ നിര്‍മ്മിച്ച ഈ കൊട്ടാരം 1638ല്‍ ഉണ്ടായ ഒരു ഇടിമിന്നലില്‍ ഭാഗികമായി നശിക്കുകയായിരുന്നു. പതിനെട്ടാം നൂറ്റാണ്ടിന്റെ അവസാ‍നത്തില്‍ ഇത് പൂര്‍ണ്ണമായി പൊളിച്ച് പുതിയ കൊട്ടാരം പണിതു. പക്ഷേ അനര്‍ത്ഥങ്ങള്‍ അവസാനിച്ചിരുന്നില്ല. 1897ല്‍ ഉണ്ടായ ഒരു തീ പിടുത്തത്തില്‍ കൊട്ടാരം കത്തിനശിച്ചു. പിന്നീട് ഹെന്രി ഇര്‍വ്വിന്‍ എന്ന ബ്രിട്ടീഷ് വാസ്തുശില്‍പ്പി രൂപകല്‍പ്പന ചെയ്ത് 1912ല്‍ പണിപൂര്‍ത്തിയായ കൊട്ടാരമാണ് ഇപ്പോഴുള്ളത്.

വാണിങ്ങ്: ക്ലിക്കി വലുതാക്കി കാണരുത്. അഥവാ കണ്ടു പോയാല്‍ പിന്നെയുള്ളതിനൊന്നും ഞാന്‍ ഉത്തരവാദിയല്ല. ക്ലിയര്‍ കുറവാണെന്നോ ബ്ലര്‍ ആയെന്നോ ഒക്കെ തോന്നിയേക്കാം..

3x സൂം, പോന്റ് ആന്‍ഡ് ഷൂട്ട് ക്യാമറ കൊണ്ട് എടുത്തത്.. വിവരങ്ങള്‍ക്ക് കടപ്പാട് വിക്കിപീഡിയ

നാഗലിംഗം (ഫോട്ടോ പോസ്റ്റ്)

2008-09-04T11:53:00.002+05:30

മാവേലിക്കര, ബിഷപ്പ് മൂര്‍ കോളേജ് ക്യാമ്പസില്‍ “മരം”നോക്കി നടക്കുന്നതിനിടയിലാണ് ഈ മരം കണ്ണില്‍ പെട്ടത്. ഉടന്‍ തന്നെ ക്ലിക്കി ക്യാമറയിലാക്കി.

നാഗലിംഗം എന്നാണത്രേ പേര്.

മരത്തിന് ആ പേര് ലഭിച്ചത് അതിലെ ഈ പൂവിന്റെ രൂപത്തില്‍ നിന്നാണെന്നു തോന്നുന്നു

മരത്തിന്റെ കായ്:

ഗൂഗിള്‍ ചെയ്തപ്പോള്‍ കിട്ടിയ വിവരങ്ങള്‍ :

This large deciduous tropical tree, 75' tall and indigenous to the Amazon rainforest, is listed as a rare tree and flower in India. The leaves, up to 6" long, are simple with serrate margin; it flowers in racemes which is cauliflorus; the yellow, reddish and pink flowers are stunning fragrant. These are 3" to 5" waxy aromatic smelling, pink and dark-red flowers growing directly on the bark of the trunk. The tree bears, directly on the trunk and main branches, large globose woody fruits; they look like big rusty cannonballs hanging in clusters, like balls on a string. Cannon ball trees usually carry 'CAUTION' signs posted on the trunks to advise people not to stand close to and directly under the fruits as one can get hurt as they drop off by themselves. The fruit contains small seeds in a white, unpleasant smelling white jelly, which are exposed when the upper half of the fruit goes off like a cover. The long dangling fruity branches give the tree an unkempt appearance. The hard shells are used to make containers and utensils. Cannon ball flowers are considered of special significance in Buddhist culture in Sri Lanka. In Tamil Nadu, it is called Nagalingam flower. The sivalingam shape is visible at the center of the flower and snake shaped pollen is the specialty of this flower and it has very good fragrance. This rare flower can be used for Shiva Pooja

എന്തരോ അസത്ത്? [ഫോട്ടോ പോസ്റ്റ്]

2008-04-09T22:56:00.005+05:30

ഇപ്പ ഇങ്ങനേം പേരിട്ടു തുടങ്ങി. കലികാലം..കലികാലം..

യോഗ പഠനം [പോട്ടോ പോസ്റ്റ്]

2008-03-31T22:01:00.019+05:30

റിലാക്സ്...റിലാക്സ്... ആദ്യം നമുക്ക് കഴുത്തിനുള്ള അഭ്യാസം ചെയ്യാം...

കഴുത്ത് പരമാവധി മുന്നോട്ടു നീട്ടുക..ഇതിനിടയില്‍ ശ്വാസം ഉള്ളിലോട്ടെടുക്കുകയോ പുറത്തോട്ടു വിടുകയോ ചെയ്യരുത്..

ഇനി ശ്വാസം ഉള്ളിലോട്ടെടുത്ത് തല വലത്തോട്ടു തിരിക്കുക

ഒന്നു കൂടി തിരിക്കുക....

ഒന്നും കൂടി തിരിക്കുക...ട്രൈ ട്രൈ...

ഇനി പഴയ അവസ്ഥയിലേക്കു തിരിച്ചു വരിക... കഴുത്ത് ഉളുക്കിയിട്ടുണ്ടെങ്കില്‍ വലതുകാലുകൊണ്ട് ചവിട്ടി നേരെയാക്കുക

ഇനി വജ്രാസനത്തില്‍ ഇരിക്കുക...ശ്വാസം പുറത്തേക്ക് വിട്ടുകൊണ്ടേയിരിക്കുക..കാഞ്ഞു പോകുമെന്നു തോന്നിയാല്‍ മാത്രം ഉള്ളിലേക്കെടുക്കുക.

ശരീരം വളരെ പതുക്കെ ഇടത്തോട്ട് ചെരിക്കുക..കാലുകള്‍ നിവര്‍ത്തിവയ്ക്കുക.

പ്ലീസ് നോട്ട് : താഴേയുള്ള പടം ഈ യോഗ കോഴ്സിന്റെ ഭാഗമല്ല

പഴയ അവസ്ഥയിലേക്കു തിരിച്ചു വരുക..തിരിച്ചു വരൂ ..തിരിച്ചു വരാന്‍..ബ്ലഡി ക്യാറ്റ്

ഇനി വലത്തേക്കാല്‍ മുന്നോട്ടു നീട്ടുക (മുട്ടു വളക്കരുത്). ഇനീ ശരീരം മുന്നോട്ടാക്കി കാല്‍‌വിരലുകള്‍ നാക്കുകൊണ്ട് തലോടുക

ഇപ്പോള്‍ നിങ്ങള്‍ ഒരു പരുവം..അല്ല നിങ്ങള്‍ക്ക് ഒരു പുതിയ ഊര്‍ജ്ജം ലഭിച്ചിട്ടുണ്ടാകും..

ഇനി ശവാസനം.. ആരും ഉറങ്ങരുത്....

ങുര്‍..ങുര്‍....

മഴ പെയ്തൊഴിഞ്ഞപ്പോള്‍ [ഫോട്ടോ പോസ്റ്റ്]

2008-03-26T22:29:00.011+05:30

അത്ഭുതകുളം [ഫോട്ടോ പോസ്റ്റ്]

2008-03-09T15:55:00.004+05:30

കേരളത്തിലെ ഉള്‍നാടന്‍ ഗ്രാമങ്ങളില്‍ ഉള്ള ഇത്തരം കാര്യങ്ങള്‍ അവിടെയുള്ള ജനങ്ങള്‍ക്കിടയില്‍ മാത്രമായി ഒതുങ്ങിപ്പോകരുതെന്നൊരു ആഗ്രഹം. അതു മാത്രമാണ് ഈ പോസ്റ്റിന്റെ ഉദ്ദേശം.

സ്കൂളില്‍ പഠിക്കുന്ന സമയത്ത് അതായത് ഒരു പത്തു പതിനഞ്ചു കൊല്ലം മുമ്പാണു അത്ഭുതകുളത്തില്‍ പോയത്. പിന്നെ ഈയടുത്ത കാലത്താണു അതിനെ കുറിച്ച് വീണ്ടും ഓര്‍ക്കുന്നത്. കഴിഞ്ഞ പ്രാവശ്യം നാട്ടില്‍ പോയപ്പോള്‍ വീണ്ടും പോയി. അമ്പലമെല്ലാം
പുതുക്കിയിരിക്കുന്നു. പോകുന്ന വഴിയില്‍ വഴികാട്ടികള്‍. വളരെ വീതി കുറഞ്ഞ റോഡാണെങ്കിലും ടാര്‍ ചെയ്തിരിക്കുന്നു.

പേരു സൂചിപ്പിക്കുന്ന പോലെ കുളത്തില്‍ ഒരു അത്ഭുതം ഉണ്ട്. എന്താണെന്നു വച്ചാല്‍ കുളത്തിന്റെ മുകളിലൂടെ നമുക്ക് സുഖമായി നടക്കാം,ചാടി മറിയാം,വേണേല്‍ ക്രിക്കറ്റും കളിക്കാം :)

ഇരിങ്ങാലക്കുട റെയില്‍വേ സ്റ്റേഷനില്‍(കല്ലേറ്റുംകര) നിന്നും ഒരു 10 കിലോമീറ്റര്‍ ദൂരത്തില്‍ താഴേക്കാട് ഗ്രാമത്തില്‍, കണ്ണിക്കര ഭാഗത്തു സ്ഥിതി ചെയ്യുന്ന അത്ഭുതകുളങ്ങര എടവന ശ്രീ മഹാവിഷ്ണു ക്ഷേത്രത്തിന്റെ ഭാഗമാണു ഈ കുളം. ഇവിടത്തെ വിഗ്രഹത്തിനു ഏകദേശം 700 വര്‍ഷത്തെ പഴക്കം ഉണ്ടെന്നു പുരാവസ്തു വകുപ്പിന്റെ പഠനത്തില്‍ പറയുന്നു. കുളം മുമ്പ് വിശാലമായിരുന്നെങ്കിലും കൈയ്യേറ്റം മൂലം ഇപ്പോഴിതു 10 സെന്റില്‍ താഴേയായിരിക്കുന്നു. രണ്‍ടുമൂന്നു ആളു താഴ്ച്ചയുള്ള കുളത്തിന്റെ മുകളില്‍ വളരുന്ന ആറടിയോളം നീളം വരുന്ന പ്രത്യേകതരം പുല്ല് കുളത്തിനു മീതേ ഒരു പ്രതലം ഉണ്ടാക്കിയിരിക്കുന്നു. ഒരു വലിച്ചു കെട്ടിയിരിക്കുന്ന റബ്ബര്‍ ഷീറ്റു പോലെ.

വളരെ കാലം മുമ്പ് ഇതിനു മുകളില്‍ കന്നുകാലികളേ മേയാന്‍ വിടുമായിരുന്നുവത്രേ. പക്ഷേ ഇപ്പോള്‍ തികച്ചും അപകടകരമാണു ഇതിന്റെ അവസ്ഥ. മീന്‍ പിടിക്കുന്നതിനും മറ്റും പുല്ലില്‍ ഉണ്ടാക്കിയിരിക്കുന്ന കുഴികളില്‍ വീണാല്‍ ഒരു തിരിച്ചു വരവ് തികച്ചും അസാദ്ധ്യം.ഒരു കാലത്ത് കുളം മുഴുവനുമായി ആളുകള്‍ കയ്യേറിയിരുന്നു. പില്‍ക്കാലത്ത് പുരാ‍വസ്തു വകുപ്പിന്റെ ഖനനത്തില്‍ അമ്പലത്തില്‍ നിന്നും താഴേക്കുള്ള കരിങ്കല്‍ പടവുകള്‍ കണ്ടെത്തിയതോടെ വിട്ടു കൊടുക്കുകയുമായിരുന്നു.

ഇതേ പോലെയുള്ള കുളങ്ങള്‍ കേരളത്തിന്റെ മറ്റു ഭാഗങ്ങളില്‍ ഉണ്ടോ എന്നറിഞ്ഞുകൂട. തീര്‍ച്ചയായും ഈ കുളത്തിനെ/പുല്ലിനെ കുറിച്ചൊരു പഠനം നടക്കേണ്ടതാണ്.

മറ്റൊരു അത്ഭുതം കൂടി ഇവിടെയുണ്ട്. ഏകദേശം എട്ടുവര്‍ഷം മുമ്പ് നിര്‍മ്മിച്ച ചുറ്റുമതിലിന്റെ മറ്റുള്ള ഭാഗങ്ങള്‍ പായല്‍ പിടിച്ച് പഴക്കം കാണിക്കുന്നെങ്കിലും ഒരു സ്ഥലം മാത്രം ഇപ്പോഴും നിര്‍മ്മിച്ച പോലെ തന്നെ പുതുമയോടെ ഇരിക്കുന്നു. മതിലിനു മറുവശത്തുള്ള മണിക്കിണറില്‍ എന്തോ ശക്തി ഉണ്ടെന്നും അതു മൂലമാണീ പ്രതിഭാസമെന്നുമാണു അമ്പലത്തിലെ ശാന്തി പറഞ്ഞത്.

ചിത്രങ്ങളിലൂടെ:

പുതുക്കിയ അമ്പലം: ഇതിനു പുറകിലുള്ള പാടത്താണു അത്ഭുതകുളം

പടമെടുക്കാന്‍ ചെന്നപ്പോള്‍ അവിടെയുണ്ടായിരുന്ന ചേട്ടന്‍. ഇദ്ദേഹമാണു കാര്യങ്ങള്‍ വിശദീകരിച്ചു തന്നത്. ഇപ്പോള്‍ ചേട്ടന്‍ നില്‍ക്കുന്നത് കുളത്തിനു മുകളിലാണ്.

കുളത്തിന്റെ മറ്റൊരു ദൃശ്യം. അകലെയായി അമ്പലവും ചേട്ടനേയും കാണാം

കുളത്തിനു മുകളിലുള്ള പുല്ല് അദ്ദേഹത്തിന്റെ കൈയ്യില്‍: ആറടിയോളം നീളം വരും

ചുറ്റുമതിലിനോടു ചേര്‍ന്നു ഇതുവരെയും പായല്‍ പിടിക്കാതെ ഇരിക്കുന്ന ഭാഗം

അമ്പലത്തില്‍ പോകുന്നവഴിയുള്ള ചിറയില്‍ നിന്നുള്ള ദൃശ്യം:

gehesh അറ്റ് ജിമെയില്‍.കോം

കണ്ടക്ടര്‍ - ഒരൊഴിവ്

2008-01-31T00:11:00.001+05:30

സുഹൃത്തുക്കളെ,

ബാംഗ്ലൂര്‍-കൊള്ളിഗല്‍ റൂട്ടില് ഓടുന്ന “ശ്രീ ഉദയഗംഗ“ എന്ന ബസ്സിനു മുകളിലെ കണ്ടക്ടര്‍ തസ്തികയിലേയ്ക്ക് ഒരു ഒഴിവുണ്ട്. താല്പര്യമുള്ളവര് 500 രൂപയുടെ ഡി ഡി [പേയബിള്‍ റ്റു ഏടാകൂടം ട്രാവത്സ് പ്രൈ.ലി ] സഹിതം അപേക്ഷിക്കുക. വിമുക്ത സര്‍ക്കസ് അഭ്യാസികള്‍ക്കു മുന്‍‌ഗണന.

അഞ്ചു കാലുള്ള കാള

2008-01-23T00:22:00.001+05:30

[ഇതായിരുന്നു കാഴ്ച്ചവട്ടത്തിലെ ആദ്യ പോസ്റ്റ്. നോട്ടം കിട്ടാതെ അനാഥമായി കിടക്കുകയായിരുന്നതിനാല്‍ ഒന്നുകൂടി പോസ്റ്റുന്നു. ]

ഒരു ദിവസം കാലത്ത് ഓഫീസിലേയ്ക്ക് പോകാന്‍ തയ്യാറെടുക്കുന്ന സമയത്താണ് പുറത്ത് ഒരു മണിയൊച്ച കേട്ടത്. നോക്കുമ്പോള്‍ ഒരു കാള മണവാട്ടിയെപ്പോലെ പൂവെല്ലാം തലയില്‍ ചൂടി നില്‍ക്കുന്നു. അതിശയിപ്പിച്ചത് എന്താണെന്നു വച്ചാ‍ല്‍ അതിന്റെ കഴുത്തിലും ഒരു കാലുണ്ട്. പ്രകൃതിയുടെ വികൃതിയുമായി ജനിച്ച ഈ കാളയെ ദൈവമാക്കി മാറ്റി സമ്പാദിക്കുകയാണ് ഒരു കക്ഷി... ഓരോ നമ്പറുകളെ....

ക്ലിക്കി വലുതാക്കിയാല്‍ നന്നായി കാണാം

ദേ ആ കാണുന്നതാണ് അഞ്ചാമത്തെ കാല്‍. കാലിന്റെ തുടക്കത്തില്‍ കാണുന്നത് എക്സ്ട്രാ നാക്കാണെന്നും അങ്ങേര് മൊഴിഞ്ഞു

ഞാന്‍ മരിക്കുകയാണ്..[ഫോട്ടോ പോസ്റ്റ്]

2008-01-13T00:01:00.001+05:30

ഞാന്‍ മരിക്കുകയാണ്....അതോടൊപ്പം എന്റെ അഹങ്കാരവും...

അഹങ്കാരിയായിരുന്നു ഞാന്‍....
വീശിയടിക്കുന്ന കാറ്റില്‍ ഒരില പോലും അനക്കാതെ..
ആര്‍ത്തലച്ച് പെയ്ത മഴയില്‍ ഒരു തുള്ളി പോലും താഴോട്ടു വീഴ്ത്താതെ..
തണല്‍ തേടി വന്നവരെ ഇലകള്‍ കൊണ്ട് അഭിഷേകം നടത്തി..
കൂടു കൂട്ടാന്‍ വന്നവരെ ചില്ലകള്‍ കുലുക്കി ആട്ടിയോടിച്ച്..
ഭക്ഷണം തേടി വന്നവര്‍ക്ക് വിഷക്കായ നല്‍കി..
ഉന്മാദം കൊണ്ട് വിറളിപിടിച്ച യവ്വനം...

ഇപ്പോള്‍ ഇലകളെല്ലാം കൊഴിഞ്ഞ്...ആരും തിരിഞ്ഞു നോക്കാതെ..
മനസിലാക്കുന്നു എല്ലാം...

ഇനിയൊരു ജന്മം കൂടി തന്നിരുന്നെങ്കില്‍?..

(ചിത്രം:സ്കന്ദഗിരി ട്രെക്കിങ്ങിനിടയില്‍ ക്ലിക്കിയത്)

സമ്മറിലെ ഐസ് സ്കേറ്റിങ്ങ് [പടം]

2008-01-01T22:51:00.000+05:30

ഡാലസിലെ(യു.എസ്) ഗലേറിയ ഷോപ്പിങ് സമുച്ചയത്തിലാണ് ഇത് സ്ഥിതി ചെയ്യുന്നത്. തറ നിരപ്പിനു താഴേയുള്ള പ്രത്യേക സജ്ജീകരണം മൂലം മുകളിലുള്ള വെള്ളം എപ്പോഴും ഐസ് ആയിരിക്കും.സുഖമായി ഐസ് സ്കേറ്റിങ്ങ് ചെയ്യാം. വെറുതെയല്ലാട്ടോ..മണിക്കൂറിനു പത്തു ഡോളര്‍ കൊടുക്കണം..

എവരി ഡോഗ് ഹാസ് എ ഡേ [പടം]

2007-11-25T23:51:00.001+05:30

ബാംഗ്ലൂരില്‍ നിന്നുമുള്ള ഒരു ദൃശ്യം. സൂക്ഷിച്ചു നോക്കൂ...ഒന്നല്ല രണ്ടെണ്ണം.

പുറം രാജ്യങ്ങളില്‍ ഇതൊരു പുതുമയല്ലെങ്കിലും...ഇതും ആഗോളവല്‍ക്കരണം മൂലമാണോ?..

പ്രേ..പ്രേതം..

2007-11-16T11:41:00.001+05:30

ഭൂതപ്രേതപിശാചുകള്‍ എന്നത് വെറും അന്ധവിശ്വാസമാണെന്ന എന്റെ വിശ്വാസത്തെ തകിടം മറിക്കുന്നതായിരുന്നു കഴിഞ്ഞ വീക്കെന്റ് പാര്‍ട്ടിയില്‍ നടന്ന ചില സംഭവങ്ങള്‍. ഒരു ഒഴിഞ്ഞ കോണിലിരുന്ന്, റെയ്നോള്‍ഡ്സ് 045 കടിച്ച് പിടിച്ച്, കണ്ണുകള്‍ പാതി കൂമ്പി, അടുത്ത പോസ്റ്റ് എന്തായിരിക്കണം എന്നാലോചിച്ചിരിക്കുകയായിരുന്നു. പെട്ടെന്നാണ് ഷോക്കടിച്ച് ഒരു അനുഭവം ഉണ്ടായതും ഏതോ അമാനുഷിക ശക്തിയാല്‍ ഞാന്‍ ഡിസ്കോ ഫ്ലോറിലേക്ക് എടുത്ത് എറിയപ്പെട്ടതും.

മനുഷ്യനേത്രങ്ങള്‍കൊണ്ട് കാണാന്‍ സാധിക്കാത്ത (700 നാനോമീറ്ററിനു മുകളിലുള്ള) എന്തോ അവിടെ ഉള്ളതായി മനസ്സു പറഞ്ഞു. ഉടന്‍ തന്നെ ക്യാമറ എടുക്കുകയും മള്‍ട്ടി ബേര്‍സ്റ്റ് മോഡില്‍ ക്ലിക്കുകയും ചെയ്തു. അങ്ങനെ ക്യാമറാ കണ്ണൂകള്‍ പിടിച്ചെടുത്ത പ്രേതാത്മാക്കളും ഞങ്ങളും ചേര്‍ന്നുള്ള ഡിസ്കോ ദൃശ്യമാണ് താഴേയുള്ളത്.

ഡിസ്ക്ലെയ്മര്‍: തിരക്കിട്ട് എടുത്തതിനാല്‍ ഷട്ടര്‍ സ്പീഡോ, വൈറ്റ് ബാലന്‍സോ ഒന്നും അഡ്ജസ്റ്റ് ചെയ്യാന്‍ പറ്റിയില്ല.ക്ഷമി. ബ്ലര്‍ ആയതിനു കാരണം സൂം ലെന്‍സ് ആണ്.

നന്തി ഹിത്സ് - ബാംഗ്ലൂര്‍ [ഫോട്ടോ പോസ്റ്റ്]

2007-11-04T15:33:00.001+05:30

അല്‍പ്പം ചരിത്രം: ബാംഗ്ലൂര്‍ സിറ്റി ലിമിറ്റില്‍ നിന്നും ഏകദേശം 60 കിലോമീറ്റര്‍ ദൂരത്തില്‍ സമുദ്രനിരപ്പില്‍ നിന്നും ഏകദേശം 1479 മീറ്റര്‍ ഉയരത്തില്‍ സ്ഥിതി ചെയ്യുന്ന ഒരു ഹില്‍ സ്റ്റേഷനാണ് നന്ദി ഹിത്സ്. അടുത്തു തന്നെ ഉത്ഘാടം ചെയ്യപ്പെടുന്ന ദേവനഹള്ളി ഇന്റ്ര് നാഷണല്‍ എയര്‍പ്പോര്ട്ടില്‍ നിന്നും ഏകദേശം 15 കിലോമീറ്റര്‍. ടിപ്പു സുല്‍ത്താന്റെ വേനല്‍ക്കാല വിശ്രമ കേന്രമായിരുന്നു ഇവിടം. അന്നു കാലത്ത് കുറ്റവാളികളെ താഴേക്കിട്ടു കൊല്ലുന്ന ടിപ്പുസ് ഡ്രോപ്പില്‍ നിന്നുള്ള കാഴ്ച്ച അതി മനോഹരമാണ്. മൂന്നു നദികള്‍ ഈ കുന്നില്‍ നിന്നും ഉത്ഭവിക്കുന്നു (പെന്നാര്‍, പലര്‍ പിന്നെ അര്‍ക്കാവദി). പുരാതനമായ ഒരു ശിവ-പാര്‍വ്വതി ക്ഷേത്രം ഇവിടെയുണ്ട്. പിന്നെ ഏകദേശം ആയിരത്തോളം വര്‍ഷം പഴക്കമുള്ള “നന്തി” പ്രതിമയും, അതില്‍ നിന്നാണ് കുന്നിന് ഈ പേരു ലഭിച്ചത്

എന്നും രാവിലെ ഒന്‍പതിന് എഴുന്നേറ്റ്, ഏകദേശം പത്തുമണിയാകുമ്പോ ഉറക്കം വിട്ടോഴിയാത്ത കണ്ണുമായി, മാനേജരുടെ കണ്ണില്‍ പെടാതെ വളഞ്ഞു ചുറ്റി എന്റെ ക്യുബില്‍ എത്താറുള്ള ഞാന്‍, ഇന്നു മാത്രം വളരെ കൃത്യമായി കാ‍ലത്ത് നാലരക്ക് എഴുന്നേറ്റ് പ്രഭാതകൃത്യങ്ങളിലേക്ക് കടന്നു. അഞ്ചരയോടേ എല്ലാവരും എയര്‍പ്പോര്‍ട്ട് റോഡില്‍ എത്തിചേര്‍ന്നു. ഞായറാഴ്ച്ചയുടെ ആലസ്യത്തില്‍ ബാംഗ്ലൂര്‍ നഗരം സുഖസുഷുപ്തിയില്‍.വിജനമായ റോഡുകള്‍ [വളരെ അപൂര്‍വ്വമായ കാഴ്ച്ച :)].അതുകൊണ്ടു തന്നെ ഏകദേശം ആറരയോടെ സിറ്റി ലിമിറ്റ് ക്രോസ് ചെയ്തു.

ദാ കാണുന്നു മഞ്ഞില്‍ കുളിച്ചു നില്‍ക്കുന്ന നന്തി ഹിത്സ്..

കുറച്ചു കൂടി അടുത്ത്...

ഇപ്പോ ഞങ്ങള്‍ 1479 മീറ്റര്‍ ഉയരത്തിലാണ്..

അങ്ങനെ മുകളിലെത്തി..കോടമഞ്ഞ്..ഒന്നും കാണ്‌ണില്യാലോ രാമാ..

സ്വര്‍ഗത്തിലേയ്ക്കുള്ള ടവര്‍....

ആകാശം ഭൂമിയിലേക്കിറങ്ങി വന്നപ്പോള്‍...

കോട മാറിയപ്പോള്‍ ഒപ്പിയെടുത്തത്..ടിപ്പൂസ് ഡ്രോപ്പ്

കോട്ടയുടെ കിളിവാതിലിലൂടെ...

ഗസ്റ്റ് ഹൌസും ഉദ്യാനവും..

മഞ്ഞുമാറിയ ഒരു നിമിഷം....

ചാ‍ാ‍ാടരുത്....[ജയന്‍ സ്റ്റൈല്‍]

ആകാശത്തിലെ ആട്ടിന്‍ പറ്റങ്ങള്‍

ചില മഞ്ഞു കാഴ്ച്ചകള്‍...

ചില മഞ്ഞു കാഴ്ച്ചകള്‍...

സത്യമായിട്ടും ഇത് ബ്ലാക്ക് ആന്‍ഡ് വൈറ്റ് അല്ല..മഞ്ഞിന്റെ പ്രതിഭാസം

ഞങ്ങള്‍ സന്തുഷ്ടരാണ് - ഒരു ജോയിന്റ് ഫാമിലി

ഏറ്റവും കഷ്ടപ്പെട്ടത് ഇവരെ കൊണ്ടാണ്. ഇടക്കിടെ ഇവര് ചാടുന്നത് കൊണ്ട് വണ്ടി കിടന്നു കരയുകയായിരുന്നു.

പ്രഭാത കൃത്യങ്ങള്‍ക്കിടയില്‍...

ഗോള്‍ഡന്‍ ടെമ്പിള്‍ - കൂര്‍ഗ് [പടം]

2007-10-23T23:20:00.001+05:30

കൂര്‍ഗിലുള്ള ഗോള്‍ഡന്‍ ടെമ്പിള്‍. ഇന്ത്യയിലെ രണ്ടാമത്തെ ഏറ്റവും വലിയ ടിബറ്റന്‍ മൊണാസ്ട്രി.

പ്രധാന മന്ദിരം : ഇതിനുള്ളില്‍ നൂറോളം സന്യാസിമാര്‍ക്ക് ഇരുന്ന് ധ്യാനം ചെയ്യാനുള്ള സജ്ജീകരണങ്ങള്‍ ഉണ്ട്.

തൊട്ടടുത്തു തന്നെയുള്ള മറ്റൊരു ചെറു മന്ദിരം

ചെറു മന്ദിരത്തിന്റെ മുന്‍ വശം

വാതിലിന്‍ മേല്‍ ഉള്ള മുദ്ര

ജനാലകള്‍

അകത്തെ ചുവര്‍ ചിത്രങ്ങള്‍

ബുദ്ധപ്രതിമകള്‍

ബുദ്ധപ്രതിമകള്‍

ദ് ആരാടാ? [പടം]

2007-09-21T23:10:00.001+05:30

കണ്ടാ കണ്ടാ..ആ ബസ്സിന്റെ പിന്നില് ഒരു നല്ല പെങ്കൊച്ചിന്റെ പടം..
അത് ഏത് “കര്‍ണ്ണാടകക്കാരിയാടാ”?
ഒന്നു ചവിട്ടി വിടടാ ശവീ..ശരിക്കും കാണുന്നില്ല..
നിന്റെ കാലുമേന്താ കുരുണ്ടോ..
ടാ ടാ പൊട്ടന്‍‌കുണാപ്പാ..ദേ ഞാനൊരു തേമ്പ് വച്ച് തന്നാലുണ്ടല്ലോ?

എന്റെ പൊന്നു ചേട്ടാ..അങ്ങനെ കത്തിച്ചു വിടാന്‍ ഇതു “ഫെരാരി“ യൊന്നുമല്ല.ഒരു പാവം വാഗണ്‍ ആര്‍..അതും ഗ്യാസില്‍ ഓടണത്...പിന്നെ ഒരു ജാതി ക്ണാപ്പ് വര്‍ത്താനം പറയരുത്...ഇയാളെ ഏതു നേരത്താ ട്രിപ്പിനു വിളിക്കാന്‍ തോന്നിത്?

എന്റെ തങ്കക്കുടം അല്ലേ?.. ഒന്നു കൂടി ട്രൈ ചെയ്യ്..ആ കാല്‍ ഒന്നുകൂടി കൊടുത്തേ..

ആ അങ്ങനെ അങ്ങനെ..ഇപ്പ ശരിയ്ക്ക് കാണണ്ണ്ട്...ടാ ഇത് ലവളല്ലേ..നമ്മടെ രാപ്പകലില്‍ ഉള്ളോള്?

എന്താ ചെയ്യാ..ആ പടത്തീ കണ്ടപ്പോ ഞാന്‍ ഒരിക്കലും വിചാരിച്ചില്ല..ഈ കൊച്ച് ഇങ്ങനെ മാറിപ്പോകുമെന്ന്..

എന്ത് മാറിപ്പോയീന്നാ ചേട്ടനീ പറണേ?..ആ കൊച്ചിന്റെ കൈയ്യിലിപ്പോ പൂത്ത കാശുമായി..ദക്ഷിണേന്ത്യ മുഴുവന്‍ പ്രശസ്തിയുമായി
ഇനിയെന്തോന്നു വേണം...ചേട്ടന് മറ്റേ സൂക്കേടാ...

ഏതിന്റെ?.

അതോ...അസൂയ അല്ലാതെ വേറെന്ത്?

പൂക്കള്‍ [പടം]

2007-08-23T01:03:00.000+05:30

പലപ്പോഴായി എന്റെ ക്യാമറാ കണ്ണില്‍ പതിഞ്ഞത്...

ആശ്രമമോ? [പടം]

2007-08-18T22:44:00.000+05:30

ജീവനകലയുടെ ആചാര്യന്റെ ബാംഗ്ലൂരിലെ ആശ്രമം

ഇഡ്ഡലി പുട്ട് [പടം]

2007-08-16T21:54:00.000+05:30

ബാംഗ്ലൂര്‍-മൈസൂര്‍ റോഡിലെ കാമത്ത് കഫെ സ്പെഷല്‍

റൂഫ് ട്ടോപ്പ് കണ്ട്ക്ടര്‍ - ഒരൊഴിവ്

2007-07-22T21:46:00.000+05:30

സുഹൃത്തുക്കളെ,

ബാഗ്ലൂര്-കൊള്ളിഗല് റൂട്ടില് ഓടുന്ന “ശ്രീ ഉദയഗംഗ“ [ಶ್ರೀ ಉಧಯಗಂಗ್ ]എന്ന ബസ്സിനു മുകളിലെ കണ്ടക്ടര് തസ്തികയിലേയ്ക്ക് ഒരു ഒഴിവുണ്ട്. താല്പര്യമുള്ളവര് 500 രൂപയുടെ ഡി ഡി [പേയബിള്‍ റ്റു ജിഹേഷ് ] സഹിതം അപേക്ഷിക്കുക. വിമുക്ത സര്ക്കസ് അഭ്യാസികള്ക്ക് മുന്ഗണന.

തള്ളേ പള്ളേല് കൊല!!

2007-07-20T00:46:00.000+05:30

കഴിഞ്ഞയാഴ്ച്ച വീട്ടില്‍ പോയപ്പോഴാണ് ഈ കാഴ്ച്ചകണ്ടത്. വാഴേടെ പള്ളയ്ക്കല്‍ നിന്ന് ഒരു കൊല വന്നിരിക്കുന്നു...

വാഴ്യ്ക്കും സിസേറിയനോ?? ഐയാം ട്ടോട്ടലി കണ്‍ഫ്യൂസ്ട്????

പാവം പാവം സ്കൂട്ടര്‍

2007-07-09T23:18:00.000+05:30

ബാംഗ്ലൂര്‍-മൈസൂര്‍ ഹൈവേയില്‍ നിന്നും ഒരു രംഗം...

അല്ലാ നിങ്ങളുതന്നെ പറയ്..ആ സ്കൂട്ടര്‍ പാവമാണോ അല്ലയോ എന്ന്.
എന്തായാലും ഈ ഗഡികള്‍ക്ക് സര്‍ക്കസിലേയ്ക്ക് ഒരു അപേക്ഷ അയച്ചു നോക്കാം..

അല്ലാ ഒരു സംശയം..ഇനിയിപ്പോ ഇത് സ്കൂട്ടറിന്റെ കുഷ്യനാണോ?

ഷോര്‍ട്ട്‌കട്ട് റ്റു ന്യൂയോര്‍ക്ക്

2007-07-08T22:44:00.000+05:30

സുഹൃത്തുക്കളെ,

ന്യൂയോര്‍ക്കിലേയ്ക്ക് ഒരു എളുപ്പവഴി കണ്ടു പിടിച്ചിരിക്കുന്നു. ബാഗ്ലൂരില്‍ നിന്നും വെറും 100 കിലോമീറ്റര്‍ അകലെയാണ് ന്യൂയോര്‍ക്ക് സ്തിഥിചെയ്യുന്നത്. ബാഗ്ലൂ‍ര്‍-മൈസൂര്‍ ഹൈവേയില്‍ മഡ്ഡൂറിനു ശേഷം ഇടത്തോട്ടുള്ള വഴിയിലൂടെ (കൊള്ളിഗലിലേയ്ക്കുള്ള വഴി) ഏകദേശം 20 കിലോമീറ്റര്‍ പോയാല്‍ ന്യൂയോര്‍ക്കില്‍ എത്തിചേരാം.

ഈ കണ്ടുപിടുത്തത്തിനു ഞാന്‍ പേറ്റന്റ് എടുത്തു കഴിഞ്ഞു.അമേരിക്കയില്‍ എവിടെയോ ഇങ്ങനെ ഒരു സ്ഥലമുണ്ടെന്നു കേള്‍ക്കുന്നു. ഇതിനെതിരെ ഞാന്‍ ശക്തമായ പ്രതിക്ഷേദം രേഖപെടുത്തുന്നു അതോടൊപ്പം പേറ്റന്റ് നിയമം ലംഘിച്ച അമേരിക്കക്കെതിരെ നിയമനടപടികള്‍ ഉടന്‍ ആരംഭിക്കുന്നതുമാണെന്നും അറിയിച്ചു കൊള്ളുന്നു

പച്ചകറി ജീവികള്‍ [പടം]

2007-03-26T20:34:00.000+05:30

ബാംഗ്ലൂര്‍ ഫ്ലവര്‍ഷോയില്‍ നിന്ന്

അഞ്ചു കാലുള്ള കാള [പടം]

2007-03-25T00:06:00.000+05:30

ഓഫീസിലേയ്ക്ക് പോകാന്‍ തയ്യാറെടുക്കുന്ന സമയത്താണ് പുറത്ത് ഒരു മണിയൊച്ച കേട്ടത്. പുറത്തിറങ്ങി നോക്കിയപ്പോ ഒരു കാള മണവാട്ടിയെപ്പോലെ പൂവെല്ലാം തലയില്‍ ചൂടി നില്‍ക്കുന്നു. അതിന്റെ കഴുത്തിലും ഒരു കാലുണ്ട്. പ്രകൃതിയുടെ വികൃതിയുമായി ജനിച്ച ഈ കാളയെ ദൈവമാക്കി മാറ്റി സമ്പാദിക്കുകയാണ് ഒരു കക്ഷി... ഓരോ നമ്പറുകളെ.....